పడి పడి లేచే మనసు - up and downs in love

 ఏంటి వే, అలా ఉన్నావు? అంటే? మనసు బాగోలేదు అంటారు. అసలు ఈ మనసు ఎక్కడుందో? ఏంటో... దీని బాధలు? యుక్త వయస్సు రాగానే ఈ మనసు ఎక్కడ నుండి వచ్చి, శరీరంలో చేరుతుంది. ఇక చచ్చేదాకా పోదు మరి. పండక్కి ఇంటికొచ్చిన చుట్టంలా అతుక్కుపోయింది. ఉన్న మనసు, ఉన్న చోట ఉండక కొత్తగా ఇంకో మససు తో కలవాలి అంటుంది. ఉద్యోగం దొరకడం కష్టమేమో గానీ, మనసుదేముంది, ఊరికే దొరుకుతుంది. చదువుకున్న వాడికళ్ళ జాబ్ రాదు కానీ, మనసున్న వాడికల్లా ప్రేమ పుడుతుంది.

ఒక చూపులో:

ఓ చూపు చాలు మన్మదుడా... అంటూ ఓ పాట గుండె లో మొదలై జోరీగలా... జుయ్ అని చెవిలో మారు మోగుతుంది. అతను ఎదురుగా ఉంటే కాలం ఆగిపోతుంది. చెవులు కనపడవు, కళ్ళు వినపడువు. మీరు చదివింది నిజమే... ఇది ప్రేమ కాదా... తేడాగానే ఉంటుంది.

ఇక ఏముంది, ఆకలుండదు, దాహముండదు, నిద్దరుండదు. Talktime వేసుకోడానికి purse లో డబ్బులు ఉండవు. ఇప్పుడంటే free talktime... ప్రేమ పక్షులు దుమ్ము రేపుతున్నారు. అప్పట్లో మాకు నిమిషానికి రూపాయి మరి. రోజుకి 100/- అయ్యేది. 

ఆ తర్వత పెద్దల అదిరింపులు, పిల్లల బెదిరింపులు, ఆత్మ హత్యా ప్రయత్నాలు, కట్నాలు, కానుకలు, పెళ్ళి. 

టీ కప్పులో తుఫాను:

ముందు పేరా లో కథ సుఖాంతం అయింది కదా? కాలేదు.

ఈ ఇద్దరి కథ మొదలెడదామా...

అనుమానాలు, అపార్థాలు కలుగుతాయి. కష్టపడి పెళ్ళి చేసుకున్నారు కదా మరి! ఆ మాత్రం లేకపోతే ఎలా? కొట్టుకోవాలి... తిట్టుకోవాలి... చంపుకోవడం తప్ప అన్ని చేసుకోవాలి.

ఒకరినొకరు మెచ్చుకోండి:

కొంచం ఆగుదామా... ఇక్కడ! Ego లకు పోకుండా ఒకరి పనిని మరొకరు మెచ్చుకుందాం. ఒకరి ఐడియాస్ ను ఇంకొకరు అబినందిద్దం. వారి డ్రెస్సింగ్ స్టైల్ ను రెట్టింపు చేసి చెబుదాం. పొగిడితే పోయేదేముంది dude, మహా అయితే తిరిగి ప్రేమిస్తారు తప్ప.

వాళ్ళు Fastrack watch తెచ్చిస్తే, Rolex లా ఫీల్ అవుదాం. షిఫాన్ saree కొనిస్తే కంచి పట్టు లా ఫీల్ అవుదాం. వారి కళ్లలో కళ్ళు పెట్టి కవితలెన్నో చెబుదాం.

మానసికంగా సన్నిహితంగా ఉండటం:

రోజులో నాకెంత టైం ఇస్తున్నాం అని అడుగుతాం కానీ... ప్రేమలో ఉన్నప్పుడు వారానికి ఒకసారి చూసుకుని ప్రతి నిమిషము వారి ఆలోచనలోనే గడిపిన విషయం మర్చపోకూడదు. ప్రేమ మానసిక మైనది, అది కాలం తో, కానుకలతో కొలిచేది కాదు.

తిన్నారా ? లేదా?, ఎక్కడున్నాడో... ఏం చేస్తున్నాడో అని ఆలోచించడమే ప్రేమ. మన తల్లి ప్రేమ మనకిదే నేర్పింది. సినిమా ప్రేమ మనకెందుకు? అమ్మ ఎప్పుడూ నాకెందుకు టైం ఇవ్వట్లేదు అని అడగదు. మనసులో మన క్షేమం కోరుకుంటుంది. అలా నిస్వార్థంగా ప్రేమిద్దాం.

నిజాయితీ మరియు నమ్మకంతో, కమ్యూనికేట్ చేయండి:

చాలామంది భార్యాభర్తల మధ్య జరిగేది కమ్యూనికేషన్ గ్యాప్. ఒకరంటే ఒకరికి చెప్పలేనంత ఇష్టం, ఒకరికొకరు చెప్పుకోలేక కోపంతో మౌనంగా ఉండిపోతారు. కాలం గడిచే కొద్దీ మాటలు మాయమవుతాయి, తరువాత మనుషులు దూరమై పోతారు.

అలకల కన్నా పలుకులు మేలు కదా! మీకు వారిలో నచ్చని విషయన్ని, డైరెక్ట్ గా వారికే చెప్పండి. అలిగి ఎక్కడికో వెళితే అనవసరమైన అపార్థాలు ఎక్కువైతాయి.

ముందుకు వెళ్ళడానికి ఒక అడుగు వెనక్కి వేయండి:

నేను నీతో ఇక ఉండలేను అని చెప్పడం చాలా సులువు. అలా ఉండలేక వెళ్లిపోవడం అంటే ఒక్కరే వెళ్ళలేరు. పెళ్ళి ఎలా రెండు కుటుంబాల వ్యవహారమో, విడాకులు కూడా అంతే. పెళ్లికి ముందు రెండు కుటుంబాలే, ఇప్పుడు మూడో వ్యక్తి కూడా ఉన్నారు. వారే పిల్లలు. 

అందుకే తెగతెంపుల వైపు ఒక అడుకు ముందుకు వేయడానికి ముందు, ఒక అడుగు వెనక్కి వేయండి.

మీ ఎమోషనల్ ఇంటెలిజెన్స్‌ను బలోపేతం చేయండి:

ప్రేమలో పడ్డప్పుడు ఎలానూ వాడలేదు కదా ఈ పదాన్ని! ఇప్పుడైనా వాడుదాం. అపర్దాలను అదిమి పెట్టుకుంటూ... అమృతం కరిసిన రాత్రులను గుర్తుకి తెచ్చుకుంటూ... మనసారా కలిసిపోధాం. మనలా ఎవ్వరుండలేరని, వల్లకాదని, బల్ల గుద్ది చెబుదాం.

Thank you 🙏.

Love is blind

      

                               ✍️Bhagyamati.