ఇది నా 99వ Blog, నేను కథలు రాయను, కవితలు రాయను, రచనలు చేయను. రోజు ఒక ఆరు పేరాగ్రాఫ్లు రాసి అందులో నా అమాయకపు ఫోటో ఒకటి పెట్టి ఏదో చదివిస్తూ ఉంటాను మీ చేత. అలా ఇది నా 99వ బ్లాగ్. ఇలా ఏదో ఒకటి రాయగలిగాలి అంటే దానికి ఒక ప్రేరణ ఉంటుంది.
రాయడానికి నాకు ప్రేరణ ఇచ్చిన వాటిల్లో మొదటివారు, మా తాత, రామచంద్రయ్య. ఆయన ఊటుకూరు గ్రామంలో గవర్నమెంట్ స్కూల్లో తెలుగు టీచర్ గా చేసేవారు. చాలా కవితలు రాసారు. తాత రాసిన సంక్షిప్త రామాయణం- శ్రీరామ శతకం అనే పేరుతో ఉంటుంది. అందులో రామాయణాన్ని మొత్తం 100 పద్యాలలో తాత సంక్షిప్తంగా రాశారు. ఈ పుస్తకాన్ని టిటిడి దేవస్థానం వాళ్ళు లక్ష కాపీలు అచ్చు వేశారు. తాత ఇప్పుడు లేరా? అంటే ఉన్నారు. ఆ పుస్తకంలో. కవులెక్కడికి వెళ్తారు? వారి రచనల్లో అలానే ఉంటారు.
రెండవది నెల్లూరు, రేబలవారి వారి వీదిలో ఉన్న గ్రంథాలయం. ఇలా గ్రంథాలయం వెళ్లడం కూడా తాత నేర్పించిందే. చిన్నప్పుడు ఎలిమెంటరీ స్కూల్ చదివేటప్పుడు వేసవి సెలవుల్లో తాత వాళ్ళ ఊరికి వెళ్లే వాళ్ళం. రోజు సాయంత్రం గ్రంథాలయం తీసుకెళ్లేవాళ్లు. రెండు గంటలు గడిపే వాళ్ళం. అది నాకు బెస్ట్ టైం అన్నట్టు. ఇప్పటికీ RAIN(ధియేటర్) లో మూవీ చూడ్డం కంటే రేబల లైబ్రరీ లో బుక్ చదవడం స్టేటస్ సింబల్ నాకు. ధ్యానం చేసినంత ప్రశాంతంగా ఉంటుంది. జ్ఞానము వస్తుంది.
నా డిగ్రీ త్రీ ఇయర్స్, సబ్జెక్టు బుక్స్ కంటే లైబ్రరీ బుక్స్ ఎక్కువ చదివాను. జువాలజీ క్లాస్ బోరింగ్ గా ఉండేది. మా జువాలజీ మేడం "హ్యూమన్ డైజిస్టివ్ సిస్టం" ని కలర్ చాక్పీసులు తీసుకుని వచ్చి, బోర్డు మీద 40 మినిట్స్ బొమ్మ గీసేది. అదొక బాధాకరమైన బోరింగ్ క్లాస్. అందుకే నేను జువాలజీ బుక్ లో... లైబ్రరీ బుక్స్ పెట్టుకొని చదువుకునేదాన్ని. ఒకసారి మేడంకి పట్టుబడిపోయాను. ఆమె ఏమీ అనకపోగా ఆ బుక్ భలే ఇంట్రెస్టింగ్ గా ఉంది నాకు ఇవ్వు అనింది. అది ఒక ఆయుర్వేదిక్ సైన్స్ బుక్.
ఈ బుక్ ని నేను లైబ్రరీ నుంచి కొట్టేసాను. ఇలాంటి బుక్కు మళ్ళీ ఎక్కడ దొరకదు కాబట్టి. ఈ బుక్ లో చాలా ఇంట్రెస్టింగ్ సబ్జెక్టు ఉండేది. ఇందులో మనిషి కనుల ఆకారాన్ని బట్టి, వాళ్లు ఏ రకం మనస్తత్వం కలిగిన వాళ్లు? వాళ్లకు భవిష్యత్తులో ఏ రకమైన జబ్బులు రావచ్చు? కంప్లీట్ గా వాళ్ల సైకాలజీ గురించి రాసి ఉండేది. Quora లో...ఈ మధ్య ఎవరో అడిగిన ఒక ప్రశ్నకు, సమాధానంగా నేను ఈ బుక్ లో నాకు గుర్తున్న విషయాన్ని మళ్లీ రాసాను చాలా లైక్స్ వచ్చాయి. Quora లో నేను రాసే చాలా సమాధానాలు, లైబ్రరీ ఇచ్చిన జ్ఞానమే. ఈ లైబ్రరీ పిచ్చి అలా పద్మావతి యూనివర్సిటీ దాకా వెళ్ళింది. అక్కడ కూడా బయోటెక్నాలజీ బుక్స్ కంటే లైబ్రరీలో ఉన్న అన్ని రకాల బుక్స్ ని చదివేసాను.
అందరూ చెబుతారు యోగ గురుముఖంగా నేర్చుకోవాలని నేను యోగా కూడా ఈ లైబ్రరీ నుంచి తెచ్చుకున్న పుస్తకం నుంచే నేర్చుకున్నాను. నా 20 ఇయర్స్ అప్పటి నుండి, ఈ 20 ఇయర్స్ లో కాలేజీ లో, హాస్టల్ లో, యూనివర్సిటీ లో... చాలామందికి నేర్పించాను.
నేను రాయడం మొదలెట్టింది మాత్రం, నాకు 13 సంవత్సరాలు ఉన్నప్పుడు. అది నా ఫేవరెట్ హీరో చిరంజీవి గురించి. అప్పటినుంచి ఏదో ఒకటి రాస్తూనే ఉన్నాను తెలుగులో, ఇంగ్లీషులో, హిందీలో. రాసిన ప్రతిదాన్ని తాతకి తీసుకెళ్లి వినిపించేదాన్ని. తాత మెచ్చుకుంటే వావ్ అనుకునేదాన్ని. ఆయన నేను ఏం రాసిన మెచ్చుకునేవాడు. పెద్దవాళ్లు అలా ప్రోత్సహిస్తారు కదా. తాత... సో స్వీట్. నాకు ప్రేమ కవితలు అంటే ఇష్టం. ఇప్పుడు 40 ఏళ్లు వచ్చాయి. అయినా కవిత్వంలో ప్రేమే నా ప్రధాన వస్తువు. అంటే వయసు మనిషికి వస్తుంది గాని కవి మనసుకు రాదు. నేను రాసిన ఈ 99 బ్లాగ్స్ లో 80 ప్రేమ మీదే ఉంటాయి.
అబ్బాయిలు ఎలా అందమైన అమ్మాయిని చూసి కాసేపలా ఆగిపోతారో...నివ్వెరపోయి చూస్తుంటారో అమ్మాయిలు కూడా అంతే. మాలాంటి కవులు, కళాకారులు అబ్బాయి అందాన్ని గురించి డజన్ల కొద్ది కవితలు రాసేస్తూ చేతికొచ్చిన బొమ్మ లేవో గీసేస్తూ ఉంటాము. మేమెందుకు ఈమెకు తారస పడ్డామా! అన్నట్లు మా అభిమానాన్ని అతని మీద కుమ్మరిస్తూ ఉంటాము. అబ్బా... ఆ కళ్ళు, ఆ పెదాలు అనుకుంటూ... అద్దానికి చెప్పుకుంటూ మురిసిపోతుంటాం. బెస్ట్ ఫ్రెండ్ కి చెబితే... అది ఎత్తుకుపోతుందిగా మరి!.
నాకు రాయడానికి ప్రేరణ ఇచ్చిన వారందరికీ నా ధన్యవాదాలు. 99 బ్లాగ్స్ నేను రాయగలిగాను అంటే మీలో ఎవరో ఒకరు ఇలా దాన్ని చదవబట్టే. వారందరికీ నా ధన్యవాదాలు.
Really thanking you🙇🏻♀️,
✍️Bhagyamati.
మీ జీవితం అందంగా ఆనందంగా ఉండాలని కోరుకుంటున్నాను
రిప్లయితొలగించండి